Description
Aithníonn an Banc Eorpach Infheistíochta an fhreagracht speisialta atá air a bheith oscailte agus trédhearcach i leith shaoránaigh an Aontais agus an phobail i gcoitinne. Chuige sin, ghlac Grúpa an BEI Beartas Trédhearcachta athbhreithnithe an 17 Samhain 2021 tar éis comhairliúchán poiblí fairsing. Tháinig an beartas seo in ionad Bheartas Trédhearcachta Ghrúpa an BEI, 2015.
Leagtar amach i mBeartas Trédhearcachta Ghrúpa an BEI cur chuige Ghrúpa an BEI i leith na trédhearcachta agus na rannpháirtíochta páirtithe leasmhara, agus leagtar síos forálacha i dtaca le foilsiú réamhghníomhach faisnéise agus doiciméad agus le nochtadh faisnéise agus doiciméad arna iarraidh sin.
